Network
GALURA –Ponpes Roudlotul Ulum dina Taun Ajaran 2023/2024 narima santri anyar. Daftarna ti tanggal 8 tepi ka 20 Februari 2023.
Ponpes Roudlotul Ulum dina Taun Ajaran 2023/2024 narima santri anyar teh udaganana ngagumelarkeun SDM muslim nu mibanda ahlakul karimah.
Ponpes Roudlotul Ulum nu dina Taun Ajaran 2023/2024 narima santri anyar, pernahna di Kampung Cisasawi, Desa Cihanjuang, Kacamatan Parongpong, Kabupaten Bandung Barat.
Baca Juga: SMK Mekarmukti Cijayana Garut Boga Toko Dingaranan SMK Mart, Ieu Harepan Wakil Bupati Helmi Budiman
Santri di Ponpes Roudlotul Ulum jumlah sagemblengn 1.200 urang ti sakuliah daerah di Indonesia.
Ketua Yayasan Ubaydillah Al Bisyri Ponpes Roudlotul Ulum, KH Ubaidillah AB, ngeceskeun, Ponpes Roudlotul Ulum miboga udagan jadi tempat nu punjul dina prestasi, dibarung ku mateakeun ajen budaya lokal, tur onjoy di tingkat nasional.
Tarekah dina ngawujudkeun lingkungan pendidikan nu kreatif jeung edukatif, Ponpes Roudlotul Ulum satekah polah ngaronjatkeun sumber daya paraasatidz katut sistim pangajaran nu profesional.
“Dina proses pangajaranana pasantren mibanda suluk IDEAL singgetan tina inovatif, disiplin, edukatif, akuntabel, jeung loyalitas,” ceuk KH Ubaidillah.
Baca Juga: MGMP Basa Indonesia Ngaronjatkeun Mutu Pembelajaran
