Network
GALURA.CO.ID -Perkebunan enteh Waspada nu pernahna di Kecamatan Cikajang, Kabupaten Garut diadegkeun ku Karel Frederik Holle taun 1865. Legana 200 hektar.
Perkebunan Waspada dibuka dina lahan pagunungan nu luhurna 1.250 meter luhureun beungeut cai laut (di atas permukaan air laut). KF Holle tadina pagawe pamarentahan di Istana Bogor.
KF Holle dina muka lahanna make sistem terasering, disengkedan, lantaran di lamping di gunung. Ku masarakat Cikajang sistem terasering saterusna ditarurutan.
Ku Sistem terasering, lamping gunung atawa pasir mun hujan bisa nyinglar erosi, sarta ngagampangkeun patani melak jeung panen sayuran.
Asalna KF Holle digawe di manajemen perkebunan enteh di Panembong Bayongbong. Nyieun imah di dinya, sarta dumuk jeung kulawargana. Sabada dibere modal ku dulurna, laju inyana ngadegkeun perkebunan enteh di Cikajang sarta dingaranan Perkebunan Waspada.
Holle teh tokoh nu utama dina dibukana perkebunan enteh di Garut kidul.
Pamarentah Kolonial Walanda oge nyieun jalur kareta api ti Kota Garut ka Cikajang. Tujuanana keur ngangkut hasil perkebunan jeung tatanen, salian ti keur angkutan panumpang.
Ti Stasiun Cibatu hasil pekebunan jeung tatanen diangkut ka wewengkon sejen, ka wetan jeung kulon, make kareta api.
KF Holle ngurus perbeunan enteh Waspada di Cikajang ti taun 1866 tepi ka taun 1889. Ti taun 1889 Holle pindah deui ka Bogor alatan gering.
