Milad ka-88 Ponpes Al-Quran Cijantung, Bupati Ciamis: Ponpes Al Quran Cijantung Kontribusina Luar Biasa

GALURA –Bupati Ciamis, Herdiat Sunarya nyebutkeun kontrubusi Ponpes Al Quran Cijantung keur daerah jeung keur Nasional signifikan pisan.

Ceuk Bupati Ciamis, Ponpes Al Quran Cijantung tambah dipercaya ku masarakat dina ngatik jeung meuseuh entragan ngora nu paseh maca Al-Quran, paham kana Al-Quran jeung mibanda karakter Al-Quran.

Bupati Ciamis netelakeun hal eta waktu biantara dina acara Milad ka-88 Ponpes Al Quran Cijantung jeung Haol ka-26 KH Moh. Sirodj, Saptu (28/01/23).

Baca Juga: Pabukon Komunitas Gada Membaca Mibanda Pojok Baca Digital, Masarakat Bisa Maca Buku dina Aplikasi iPusnas

Milad ka-88 Ponpes Al Quran Cijantung jeung Haol ka-26 KH. Moh. Sirodj diluuhan ku pajabat Pemda Kabupaten Ciamis, tokoh masarakat, tokoh agama, anggota DPRD Kabupaten Ciamis, rebuan alumni jeung masarakat.

Bupati Ciamis nyebutkeun, Ponpes Al Quran Cijantung tepi ka mampu tanggoh jeung terus mekar nandakeun ieu pondok pesantren (Ponpes) mibanda sumber daya kiayi nu luar biasa.

Ponpes Al Quran Cijantung teu saat ku kiyai nu luhung elmuna sarta entraganana terus nyambung tepi ka kualitas atikan di Ponpes Al Quran Cijantung tambah ngaronjat.

“Leresan dieu, KH. Moh. Sirodj suwargi nu ngadegkeun Ponpes Al Quran Cijantung tos masihan inspirasi ruang gerak sareng dinamika para kiyai sareng para santri,” pokna

Baca Juga: IGORA Sindangkasih Ciamis Ngagelar Kajuaraan Badminton, SDN 1 Sindangkasih Juara I Putra-Putri