CSR Pipiets Home Kitchen Amsterdam Ngadongdon SLB Cahaya Gemilang Pertiwi Cianjur

GALURA -Chef internasional, Pipiet jeung Yos, Salasa (17/01/2023),  ngadongdon SLB Cahaya Gemilang Pertiwi di Cianjur. Pipiet sakalian mawa bantuan ti CSR Pipiets Home Kitchen Amsterdam, Belanda.

Pipiet jeung Yos ka SLB Cahaya Gemilang Pertiwi wujud mikatineungna CSR Pipiets Home Kitchen ka warga Cianjur nu katiban musibah bencana alam, hususna para siswa SLB Cahaya Gemilang Pertiwi.

Di SLB Cahya Gemilang Pertiwi, Pipiet masrahkeun 70 Paket bantuan ti para donatur warga Belanda jeung ti CSR Pipiets Home Kitchen, kayaning Spencer Stuart, Leo Love Good Food, Pipiet's Home Kitchen, jeung sajabana.

Baca Juga: Putri Anjungsari (1)

Kepala SLB Cahaya Gemilang Pertiwi, Neneng Fitri Ekasari, M.Pd., muji syukur ka Nu Kawasa ku datangnya bantuan sosial kamanusaan ti Pipiet katut lembagana.

"Mudah-mudahan, ieu bantuan teh sing janten amal ibadah kanggo anjeunna sareng warga Belanda," ceuk Neneng.

CSR Pipiets Home Kitchen, remen pisan datang Ngadongdon ka sawatara wilayah di Indonesia nu katiban musibah.

"Enggal keneh waktos Indonesia katiban sasalad Covid-19, masihan bantuan sosial ka masarakat di Kota Malang," ceuk Neneng.

Baca Juga: Kasus AKI di Jawa Barat matak Pikangeneseun, dr. Nina Susana Déwi: “Ku Program KBPP, AKI tiasa Kaungkulan!”