Network
GALURA.CO.ID – Dinas Pendidikan (Disdik) Kabupaten Majalengka ngagelar acara halal bihalal Idul fitri 1445 Hijriah tempatna di Aula Disdik Kabupaten Majalengka, Rebo (17/04/2024).
Kepala Disdik Kabupaten Majalengka, Hj.Lilis Yuliasih, ngahatur nuhunkeun jeung ngajen ka anu ngaluuhan acara halal bihalal.
“Dina dinten anu Fitri 1445 H, simkuring kalayan asma pribadi, kulawargi sarta Kepala Dinas Pendidikan Kabupaten Majalengka ngahaturkrun Minal Aidin Wal Faidzin, neda ditawakuf Tina Sagala rupi kalepatan sarang keluluputan, lahir miwah batin,” ceuk Kadisdik.
Hj Lilis Yuliasih, nyebutkeun, salian wadah silaturahim jeung silih hampura, acara halal bihalal 1445 H oge tempat pikeun ngaronjatkeun etos kerja pendidikan sarta tanaga pendidikan.
“Ngalangkungan halal bihalal urang pengkuhkeun rukun gawe kangge ngaronjatkeun layanan pendidikan nu sae mapag Kabupaten Majalengka anu cermat," ceuk Lilis.
"Acara ieu dina raraga ngungkabkeun rasa syukur tos ngarengsekeun ibadah saum di bulan Suci Romadon," ceuk Kadisdik Majalengka. *** Ayank R Sambara
