Network
GALURA -Enggoning ngipuk bibit atlit badminton (bulutangkis), Ikatan Guru Olahraga (IGORA) Kecamatan Sindangkasih, Kabupaten Ciamis, Jawa Barat, sawatara waktu ka tukang ngagelar Olimpiade Olahraga Siswa Nasional (O2SN).
Dina ieu O2SN nu digelar ku IGORA Kecamatan Sindangkasih, dilombakeun badminton keur tingkat SD sa-Kecamatan Sindangkasih.
Kajuaaran badminton dina O2SN Kecamatan Sindangkasih nu digelar ku IGORA Kecamatan Sindangkasih, juara kahiji putra: SDN 1 Sindangkasi jeung juara kahiji putri oge beunang ku SDN 1 Sindangkasih.
Anu jadi juara kahiji bakal jadi patandang di O2SN tingkat Kabupaten Ciamis nu bakal dilaksanakeun samemeh bulan Romadon.*** Jarkasih
