GALURA - Pengelola Dana Rawan Melanjutkan Pendidikan (RMP) di lingkungan SMA Pasundan 1 Kota Bandung, Mukti, netelakeun, keur taun anggaran 2022/2023 pihakna geus narima bantuan dana RMP nu jumlahna Rp 144.000.000.
“Eta dana RMP keur 96 siswa, masing-masing narima 1.500.000 per taun, siswa ti lingkungan pra sejahtera,” pokna.
Patali jeung dana Bos Reguler, nurutkeun Mukti, taun anggaran 2022, para siswa nu narima bantuan jumlahna 1.271 urang.
Baca Juga: Jambatan Cilutung Jatigede Baris Diwangun Taun Ayeuna, Jangji Bupati Sumedang Dony Ahmad Munir
“Per siswa nampi 1.0. 600 langkung per taun,” pokna
Katerangan nu sarua, ditepikeun ku Pengelola dana RMP di SMK Pasundan 1 Kota Bandung, Hadis Muharam.
Inyana netelakeun, total RMP nu katarima jumlahna Rp. 659.200.000. Eta dana geus dipasrahkeun ka para siswa nu jumlahna 412 urang.
“Saban siswa nampi Rp 1.600.000,” pokna.
Ari dana Bos Reguler mah, nurutkeun Hadis, nu katarima teh jumlahna Rp. 1.609. 500.000.