Tb. Hasanuddin Politikus PDI Perjuangan, Teu Reureuh Ngamumule Seni Budaya Sunda

- 25 Januari 2023, 12:30 WIB
Tb Hasanuddin, politikus PDI Perjuangan waktu silaturahmi jeung seniman Sampyong di Desa Baribis, Kecamatan Cigasong, Kabupaten Majalenka (21/01/2023).
Tb Hasanuddin, politikus PDI Perjuangan waktu silaturahmi jeung seniman Sampyong di Desa Baribis, Kecamatan Cigasong, Kabupaten Majalenka (21/01/2023). /

GALURA -Dunya militer ngalantarankeun Tubagus (Tb) Hasanuddin ka Istana Kapresidenan. Ti ajudan nepi jadi sekretaris militer presiden. Pangsiun, ieu jenderal bintang dua ancrub kana pulitik.

Tb Hasanuddin nu lahir 8 September 1952 teh Akabri  taun 1974. Sataun ti harita ditugaskeun di Batalyon Kodam Siliwangi nepi 1983.

Tb Hasanuddin satuluyna dipercaya jadi Instruktur Akabri Magelang salila 2 taun, tuluy ditugaskeun di Kodam I Aceh nepi ka taun 1989.

Baca Juga: Jawa Barat teh Geuninganan Provinsi Waduk

Karierna kawilang norolong, Tb Hasanuddin satuluyna jadi dosen di Seskoad Bandung.

Kungsi jadi Komandan Sektor Pasukan Perdamaian PBB di Irak taun 1992 salila sataun. Ti dinya ditugaskeun deui pikeun dines di Kostrad jeung Kodam Jaya.

Karierna leuwih deukeut kana kakuasaan nalika jadi ajudan Wakil Presiden Try Sutrisno jeung ajudan Presiden B.J. Habibie.

Taun 2001, dijungjung lungguh jadi Sekretaris Militer Presiden Megawati Soekarno Putri jeung Susilo Bambang Yudhoyono.

Satuluyna Tb Hasanuddin nyangking kalungguhan Staf Mabes TNI AD nepi ka 2009.

Halaman:

Editor: Nanang Supriatna


Tags

Artikel Pilihan

Terkait

Terkini

Terpopuler

Pemilu di Daerah

x