Network
GALURA - Wakil Ketua Widang Kebudayaan DPC PDI Perjuangan Kabupaten Majalengka Tita Juwita Hipdiah, S.IP., netelakeun peran wanoja kawilang penting dina kamajuan sistim demokrasi di Indonesia.
Ceuk Tita, nu oge Wakil Kepala Badan Kebudayaan Nasional (BKN) DPC PDI Perjuangan Kabupaten Majalengka, wanoja mibanda kamampuh kalayan hade pikeun kamajuan bangsa jeung nagara.
Tina kituna Tita tandang makalangan maju di dunya pulitik jadi kader di PDI Perjuangan Kabupaten Majalengka.
Baca Juga: Ketua DPRD Kabupaten Bandung: KPU Kabupaten Bandung Ngalelece Lembaga DPRD
Dina Pileg 2024 engke, Tita tarung makalangan di Dapil 4: Cigasong, Sukahaji, Sindang, Argapura, Maja, Banjaran, Talaga.
Tita miharep makalanganana di Pileg taun 2024 bisa leuwih ngamajukeun Kabupaten Majalengka sarta bisa leuwih ngamajukeun wanoja.
“Wanoja mibanda kamampuh sami sareng kaum pameget dina sagala widang," ceu Tita Juwita teureuh ti Talaga Kabupaten Majalengka.
Tita teh adi teges Mayjen (P) TNI Dr. H. Tb. Hasanuddin SE., MM, anggota DPR RI Komisi I ti F.PDI Perjuangan, jeung Prof. Dr. H. Sanitiar Burhanuddin, SH., MH, Jaksa Agung Republik Indinesia.*** Ayank R Sambara
