Network
GALURA.CO.ID - Pamarentah Kabupaten Majalengka ngalaksanakeun Upacara Peringatan Hari Otonomi Daerah XXVIII taun 2024 kalayan ngarojong jejer “Otonomi Daerah Berkelanjutan Menuju Ekonomi Hijau dan Lingkungan yang sehat”, tempatna di Lapangan Upacara Setda Majalengka, Kemis (25/04/2024).
Dina eta kasempatan Sekertaris Daerah (Sekda) Majalengka H. Eman Suherman mingpin upacara. Ari pamilon upacara ASN anu aya di lingkungan Pemkab Majalengka.
H. Eman Suherman nu nyalon bupati Majalengka dina Pilkada 2024 sarta meunang rojongan ti pajabat jeung ASN di Kabupaten Majalengka macakeun pangbagea Menteri Dalam Negeri Tito Karnavian.
Mendagri nyebutkeun Hari Otonomi Daerah teh pangeling-ngeling anu dipiharep jadi pamiangan keur sakumna unsur pamarentah pikeun tuluy komitmen mere pelayanan panghadena ka masarakat.
Ceuk H. Eman Suherman lalampahan otonomi daerah geus nepi ka tahap asak pikeun medalkeun sababaraha torobosan kawijakan nu mibanda ajen mangpaat dina raraga identifikasi katut perencanaan wilayah-wilayah anu boga potensi dimotekarkeun sacara integritas.
Pasi Intel Kodim 0617/Majalengka ngaluuyan Upacara Peringatan Otonomi Daerah XXVIII Taun 2024
Dandim 0617/Majalengka Letkol Inf Dudy Pilianto, S.Pd., M.I.P anu diwakilan ku Pasi Intel Lettu Inf Darmaji Wibowo ngaluuhan Upacara Peringatan Otonomi Daerah XXVIII Taun 2024.
Lian ti eta oge diluuhan ku Ketua DPRD Kabupaten Majalengka, wawakil Lanud S Sukani, Pasi Intel Yonif 321/GT, Perwakilan Pengadilan Negeri Majalengka, sakumna Staf Ahli Bupati jeung Asisten Daerah Lingkungan Pamarentah Kabupaten Majalengka, sakumna Kepala OPD katut Camat Lingkungan Pamarentah Kabupaten Majalengka katut pamilon upacara Unsur ASN Lingkungan Pamarentah Kabupaten Majalengka.
Letkol Inf Dudy Pilianto, S.Pd., M.I.P., ditepikeun ku Pasi Intel Lettu Inf Darmaji Wibowo nyebutkeun, Kodim 0617/Majalengka siap sinergi dina ngarojong otonomi daerah, keur ngaronjatkeun palayanan oge pangwangunan sumber daya manusia. Dina kituna ngarojong percepatan tur pemerataan pangwangunan di Kabupaten Majalengka.
