Network
GALURA.CO.ID -Polres Majalengka aub dina kagiatan workshop anu mibanda tujuan keur ngoptimalkeun Bhabinkamtibmas di wilayah hukum Polda Jabar. Workshop digelar di Aula Direktorat Lalu Lintas Polda Jabar, Salasa (23/4/2024).
Wawakil ti Polres Majalengka: Kabag SDM Polres Majalengka, Kompol H. Kustadi, SH, Kabag Ren Polres Majalengka, Kompol Cucu Supiar, S.Sos, jeung Kasat Binmas Polres Majalengka, IPTU Supriyadi, SH.
Bubuka workshop dilaksanakeun ku Ditbinmas Polda Jabar anu diwakilan ku Kabag Bin Opsnal Ditbinmas Polda Jabar, AKBP Sunarya, S.Pd., M.M.
Dina ieu acara dipasrahkeun layang pangajen lomba Tiga Pilar ka anu juara lomba diwakilan ku Kabag Bin Opsnal Ditbinmas Polda Jabar, AKBP Sunarya, S.Pd., M.M.
Salian eta, aya parelen ti Biro Rena anu diwakilan ku AKBP Soleh, ti Biro SDM Polda Jabar anu diwakilan ku Kasubag Kompeten Ro SDM Kompol Asep Agus Tomi, S.E., M.M, sarta ti Ditbinmas Polda Jabar anu diwakilan ku Kasubdit Bhabinkamtibmas, AKBP Wawan Hermansyah, S.Sos., M.Si.
Sakumna pejabat ti Polda Jabar sarta Polres sajabar datangr dina workshop, bareng jeung Bhabinkamtibmas tur Babinsa ti sababaraha wilayah. Ku ayana ieu kagiatan, dipiharep bakal aya sinergi anu leuwih tohaga antara aparat kapulisian, pamarentah, jeung masarakat dina ngajaga kaamanan tur katartiban di tingkat lokal.
Workshop saperti ieu jadi tempat keur silihsimbeuh elmu pangaweruh, pangalaman, tur strategi keur ngaronjatkeun efektivitas Bhabinkamtibmas dina ngalaksanakeun tugasna di lapangan.*** Ayank R Sambara
