Network
Sakumaha ilaharna pasantren salafiyah, di Ponpes Roudlotul Ulum ge santri neuleuman Elmu Fiqih saperti Ta’lim Mubtadi, Nadzom Fiqih, Darusul Fiqiyah, Safinah, Sulam Taufiq, Riyadul Ba’diah, Fathul Qarib, jeung Fathul Mu’in.
Dina bagbagan Tauhid, ngaji Aqoid Nadzom, Tijan, Majmu’atul Aqidah. Dina bab Aqidah Ahlak aya Ahlak Qulbanen, Ta’lim Muta’lim.
Dina Elmu Nahwu Shorof, neuleuman Awamil, Tasrifan, Jurumiah, Matan Bina, Imriti, Alfiyah, katut Kaelani.
Elmu hadits santri ngaji Arba’in Nawawi, sarta Mukhtarol Hadits. Demi Elmu Tajwid, neuleuman Makhrojul jeung Sifatul Huruf.
Baca Juga: Mahasiswa Uniku, Ngadeudeul Kamekaran Wisata Ngaliwatan Poster Jeung Video
Di Ponpes Roudlotul Ulum aya kagiatan mingguan: Pengajian Malam Kamisan, ngaji Hikam jeung Ihya Ulumuddin, muhadoroh, aurod barjamaah, yasinan-tahlil, khotaman Rotibul Al Athos, sarta Bahtsul Kutub.
“Luyu jeung dinamika kamekaran jaman, Ponpes Roudlotul Ulum ngadegkeun SD, SMP, serta SMK, sareng Sekolah Tinggi Agama Islam (STAI),” ceuk KH Ubaidillah.
SMK mibanda jurusan Otomatisasi Tata Kelola Perkantoran (OTKP). STAI mibanda jurusan Hukum Ekonomi Syariah jeung Pendidikan Agama Islam.
Tumali jeung santri anyar taun ajaran 2023/2024 Ponpes Roudlotul Ulum, informasi salengkepna bisa kontak bae ka nomer WA 085871496647 atawa 085797979793.
Link daftar online di https://bit.ly/Data_Kesiapan_Calon_Santri_RU_2023.
Kalawan nyoko kana udagan ngagumelarkeun SDM muslim nu mibanda ahlakul karimah tur mandiri, Ponpes Roudlotul Ulum teu weleh ihtiar ngaronjatkeun atikan pasantren.
