GALURA - Nalika ngadongdon sakola di Garut, Wakil Gubernur Jawa Barat Uu Ruzhanul Ulum méré wejangan ka siswa nu kudu jadi cecekelan sangkan bisa ngigelan jaman.
Inyana nétélakeun, mun para siswa nyekel pageuh éta cecekelan, tanwandé bisa hirup luyu jeung harepan.
Eta hal téh ditepikeun basa inyana ngadongdon Madrasah Aliyah (MA) jeung Sekolah Menengah Kejuruan (SMK) Al Musaddadiyah, di Jalan Mayor Syamsu, Kecamatan Tarogong Kidul, Kabupatén Garut, anyar-anyar ieu.
Baca Juga: Totonden Kaayan Nagara ti Leuweung Dukuh Desa Jagabaya Ciamis
Baca Juga: Nurhayati Tiwas Alatan Musibat Urug di Desa Kertawirama
Baca Juga: Ngabagéakeun Menparékraf Sandiaga Uno, Bupati Bandung Ménta Dukungan Adegkeun 100 Désa Wisata
Anapon nu kudu jadi cecekelan malar bisa hirup luyu jeung jeung harepan téh, cek Kang Uu aya sawatara hal.
Antara waé, mibanda kamampuh dina dunya teknologi, terus ngawewegan iman jeung takwa, gaul jeung terus silaturahmi jeung papada urang.
"Sajaba ti éta, pendidikan nu sipatna duniawi jeung ukhrawi saimbang," pokna.
Baca Juga: Muka Munas II, Bupati: OpenDesa Ngaronjatkeun Poténsi Wilayah liwat Informasi
Eta téh luyu jeung "tagline" Pemprov Jabar, nyaéta Jabar Juara Lahir Batin.
"Pendidikan duniawi jeung ukhrawi téh penting kacida keur generasi penerus bangsa," pokna deui.
Ditandeskeun, sok udag pendidikan duniawi salega-legana, tapi kadé ulah kapopohokeun pendidikan ukhrawi --nu minangka kawajiban urang salaku umat muslim.
Baca Juga: Hayang Gumebyarkeun Voli Bal di Kabupatén Bandung, Anggota DPRD H. Uya Mulyana Ngarojong 'Baduy Cup'
Baca Juga: KWT Lestari Alam Ngahangkeutkeun Melak Sayuran di Pakarangan, Ika : Kudu Jadi Conto KWT Sejenna
Husus keur para guru, Uu Rushanul Ulum miharep kudu nyongcaykeun waktu énggoning ngeuyeuban élmu agama jeung nasionalisme ka para siswa.
"Talingakeun tata krama, moral sareng ahlak para siswa. Ipuk rasa hormat siswa ka guru sareng sepuhna," kitu cek Kang Uu.***