Network
GALURA - Palasapah silat jeung gaya maen Persib aya patula-patalina mun ditoong tina tilikan budaya.
Cara pikir arketip-kolektif nu tembong dina artefak-artefak budaya Sunda, lir ngajiwaan palasapah silat jeung gaya maen Persib.
Persib, kleub maenbal kareueus warga Jawa Barat, mibanda gaya maen nu matak pogot dilalajoanan, meh sarua katajina kana palasapah silat.
Baca Juga: Ngajarkeun Kamandirian, Siswa SDIT Persis Tarogong Garut Ngalaksanakeun 'Edu Staycation' di Nangewer
Gaya maen Persib, tangtu eta teh tarekah sangkan meunangkeun pertandingan, atuh kitu deui maen silat ge mibanda palasapah ngelehkeun lawan.
Dina maenbal, eta minangka tarung nu enas-enas hasilna teh meunang atawa eleh.
Kitu oge dina perang, dina dagang, dina elmu silat, aya karakter nu samodel kitu, nyeta ngelehkeun lawan.
Boh gaya maen Persib, boh maen silat, tangtu sakapeung aya meunang, sakapeung ninggang di eleh.
Baca Juga: Cek PP Muhammadiyah, 1 Ramadhan 1444 Hijriah 23 Maret 2023, Ieu Sihoreng Alesanna
Ceuk budayawan Jakob Sumardjo, sakumaha nu diguar dina bukuna “Sunda, Pola Rasionalitas Budaya”, eleh-meunang teh saenyana lain karakter masarakat primordial huma.
Dina elmu silat Sunda, upamana, silat lain dimaksudkeun keur ngelehkeun lawan, tapi ngabalukarkeun lawan teu deui mampuh ngalawan.
"Palasapahna teh salamet jeung nyalametkeun," ceuk Jakob Sumardjo.
Baca Juga: Kasakten Panday ti Sunda, Nyieun Keris jeung Bedog Diemple-Emple ku Ramo
Jadi, nu dileungitkeun teh rasa mumusuhan lawan, lain jelemana.
Tah, pikeun ngawasa eta tujuan silat, diperlukeun pangawasaan jurus-jurus silat nu euyeub, daya tahan nu luar biasa, kacerdasan, sarta moralitas.
Ngarubuhkeun lawan mah babari. Nu hese teh ngarubuhkeun lawan bari nyalametkeun.
Dina mangsa jayana, Persib nembongkeun karakter samodel kitu. Boga rasa percaya diri nu kuat.
Dina elmu silat Sunda, eta teh disebut “eusi teh kosong jeung kosong teh eusi.” Jago silat tara ieuh adigung, tapi kalem.
Baca Juga: Panday ti Sunda, Sanggeus Pajajaran Runtag, Sumebar ka Sakuliah Nusantara, pada Ngambeuan
Harita ge Persib teh kalem-kalem wae, da percaya diri tea.
Lir Si Jago Silat, Persib teu masualkeun kumaha ngelehkeun lawan, tapi kumaha carana ngelehkeun lawan kalawan elegan.
Salamet jeung nyalametkeun, elmu tanding nu merlukeun persiapan prima, tur asak.
Eta palasapah, ngabalukarkeun Persib tara ngagedor lawan di awal-awal pertandingan, alatan karakter budayana lain nyerang atawa agresif, tapi leuwih notog kana “kosong nu eusi” nyeta defensif-siaga.
Baca Juga: Bedog-Bedog Kakoncara ti Tatar Sunda, Dijieun Teu Dapon, Pandayna Kudu Bari Puasa
Dina elmu silat, eta teh disebutna pra atawa rarancang. Jago Silat leuwih miboga sikep defensif, lain agresif.
"Mun dina elmu silat Jawa, eta tahap teh ditembongkeun ku sikep adeg-adeg, nu muka lolongkrang atawa ngondang lawan sangkan nyerang tiheula," pok Jakob Sumardjo.
Dina silat ge aya istilah “daerah rumah tangga”, daerah radius nu bisa kahontal ku leungeun.
Baca Juga: Nugaskeun Tb. Hasanuddin, PDIP P Siap Ngadeudeul Pasanggiri Penca Tradisional
Tah, satengahna lapang milik Persib. Eta “daerah rumah tangga” teh satekah polah dipertahankeun ku pendekar silat malar teu bisa ditorobos lawan.
Mun tea mah lawan bisa norobos, mangka asup kana tahap “ngomean”, dialog, igel bareng jeung lawan.
Di dieu, kacerdasan jeung pangalaman tanding dipidangkeun pikeun ngahindar, nangkis, sekaligus neunggeul lawan. Eta senina teh.
Sipat defensif Persib kawentar pisan, tapis dina ngulinkeun “bola pendek.”
Ngarebut katut ngoper bal, eta teh teknik “ngomean” Persib nu kungsi sohor.
Eta sikep ge boga harti yen Persib satekah polah ngamankeun “daerah rumah tangga-na”.
Sambil ngahindar jeung nangkis, bisa neunggeul lawan.
Tanaga lawan dibeakeun, tuluy waktuna dibere “tungtung” alias teunggeulan nu ngarubuhkeun lawan.
Baca Juga: Marimar, Inovasi Dispusip Kabupaten Bandung Méré Luang Cara Ngamankeun Arsip Kulawarga
Ceuk Jakob Sumardjo, eta strategi bertahan teh saenyana mah justru nyerang.
Nilik kana sajarahna, Persib teu weleh midangkeun permaenan nu elegan tur defensif.
Ngaluarkeun jurus “tungtung” mun lawan geus beakeun napas atawa keur balangah.
Eta teh permaenan maenbal nu endah, lir penca silat kembang. Ngahijina wiraga, wirama, jeung wirasa.
Baca Juga: Legislator F PKS Miharep Bupati Bandung Sagancangna Laksanakeun Perda Nomer 10 Taun 2021
Wiraga minangka kasampurnaan teknikna, wirasa mah mentalitas-moralna, ari wirama nya kaendahan permaenanana.
Wiraga, wirama, wirasa, antukna ngalahirkeun Pangeran Biru nu percaya diri ku sabab elegan.
Ngelehkeun lawan ku cara wirama, seni maenbal.
Kombinasi kosong-eusi, eusi-kosong, heuras-leuleus liat, leuleus liat-heuras, eta mentalitas jawara Sunda.
Lagu nyitak gul, Persib mindeng nyitak gul nu endah, nu matak numuwuhkeun respek lawan.
Baca Juga: Putri Anjungsari (14)
Kiwari, kamekaran gaya permaenan Persib tangtu loba variasina luyu jeung dinamika kamajuan dunya maenbal, kaasup ayeuna nu keur makalangan di BRI Liga 1 2022/2023.
Najan kitu, lagu tanding teh Persib sing tetep nembongkeun gaya maen nu matak pogot dilalajoanan tur ngahontal prestasi sahade-hadena. ***
