GALURA - Palatih Persib Bandung Luis Millla boga tekad mawa Persib unggul dina laga lawan Borneo FC di Stadion Pakansari Cibinong, Kabupaten Bogor, jam 15.30 poe Kemis ayeuna.
Sajaba ti sangkan Persib mingkin weweg ayana di papan atas klasemen BRI Liga 1 2022-2023, oge sangkan Persib bisa "mayar hutang", sabab samemehna, dina puteran kahiji wowotan ku Borneo FC.
"Tilu poin tina laga sareng Borno FC ageung pisan pangaruhna ka Persib," pokna.
Baca Juga: Persib vs Borneo FC, Luis Milla : Sumanget Maung Bandung Taya Tandingna, najan Nick Kuipers Teu Maen
Sakumaha anu ditetelakeun ku Luis Milla dina laman resmi Persib, pertandingan ngalawanan Borneo FC teh penting kacida keur Persib.
Pentingna, cenah, lain wae pedah hayang neruskeun tren positif Persib (can kungsi eleh dina 11 pertandingan), tapi oge hayang "mayar hutang" ka Borneo nu kungsi ngelehkeun Persib di Samarinda.
Eta sababna, Luis Milla ngaku geus mere parentah ka sakabeh pamaen pikeun makalangan kalawan motivasi nu ngagedur, dinamis jeung positif.
Baca Juga: Kepala Disnakan Kabupaten Ciamis, Ngurus Ingon-Ingon Ngurus Lauk jeung Ngurus Umat