Network
GALURA - Enya, tandes pisan harepan Bupati Garut Rudy Gunawan ka para kapala sakola atawa kepala sekolah téh.
Kumaha teu rék kitu, sabab Rudy Gunawan miharep malar kapala sakola di Garut babakuna di SD jeung SMP teu ngabeungbeuratan masarakat dina raraga ngalaksanakeun pendidikan dasar.
"Janten, kapala sakala, sawadina ngadorong, sanés ngabeungbeuratan masarakat dina raraga ngalaksanakeun pendidikan dasar," cek Rudy.
Baca Juga: Totonden Kaayan Nagara ti Leuweung Dukuh Desa Jagabaya
Baca Juga: Nurhayati Tiwas Alatan Musibat Urug di Desa Kertawirama
Eta hal téh ditepikeun ku Rudy Gunawan dina hiji Apel Gabungan jeung sakumna réngréngan Dinas Pendidikan Kabupaten Garut nu diluuhan ku kapala sakola, pengawas jeung nu séjénna, anyar-anyar ieu.
"Pokona para kapala sakola kudu nyinglar pisan rupaning urusan nu ngabeungbeuratan masarakat dina dunya pendidikan," tandesna.
Patali jeung pungutan liar (pungli) nu dipikahariwang kajadian di Garut, Rudy Gunawan ogé meredih sangkan nu disebut pungli teu kajadian di sakola nu aya di Garut.
Baca Juga: Ngabagéakeun Menparékraf Sandiaga Uno, Bupati Bandung Ménta Dukungan Adegkeun 100 Désa Wisata
Cek Rudy, saenyana mulutan sumbangan ti masarakat atau orang tua murid teh bisa waé dilaksanakeun da taya aturan nu dirempak (mun dilaksanakeun ogé).
Tapi para kapala sakola kudu ningali kaayaan masarakat ayeuna, nu masih kénéh aya dina kaayaan sarwa susah buntut tina sasalad Covid-19 nu aya taunna narajang jeung jadi bangbaluh.
"Tinimbang mulut sumbangan, mending nyumangetan ka orang tua murid malar sumanget nyakolakeun," pokna.
Baca Juga: Hayang Gumebyarkeun Voli Bal di Kabupatén Bandung, Anggota DPRD H. Uya Mulyana Ngarojong 'Baduy Cup'
Baca Juga: KWT Lestari Alam Ngahangkeutkeun Melak Sayuran di Pakarangan, Ika : Kudu Jadi Conto KWT Sejenna
Saméméhna, nurutkeun katerangan nu katarima ku Galura, di Garut memang aya sawatara sakola nu masih kénéh ngabeugbeuratan orang tua murid kalawan rupa-rupa alesan.
Antara waé, sakola teh ngahaja menta sumbangan nu asup katagori pungutan liar nu matak ngabeungbeuratan orang tua siswa. ***
