GALURA - Persib Bandung kaasup kleup di Indonesia nu mibanda kiper rea.
Mun kleup sejen, kiper nu direkrut paling rea tilu atawa opat, Persib mah ayeuna boga lima kiper.
Pamaen nu tugasna ngajagaan gul di Persib teh nyaeta Teja Paku Alam, Reky Rahayu, I Made Wirawan, Fitrul Dwi Rustapa jeung nu panganyarna dikontrak Mario Fabio Londok.
Baca Juga: Ngajarkeun Kamandirian, Siswa SDIT Persis Tarogong Garut Ngalaksanakeun 'Edu Staycation' di Nangewer
Baca Juga: Cek PP Muhammadiyah, 1 Ramadhan 1444 Hijriah 23 Maret 2023, Ieu Sihoreng Alesanna
Baca Juga: Kasakten Panday ti Sunda, Nyieun Keris jeung Bedog Diemple-Emple ku Ramo
Naha lima? Tangtu aya alesan kuat pangna Persib boga kiper lima teh.
Ngan nu paling kaharti, lantaran kiper di Persib remen tatu.
"Palatih kiper ngarekomendasikeun aya kiper kanggo cadangan mun nu maen tatu atawa cidera," cek Direktur PT Persib Bandung Bermartabat (PT PBB) Teddy Tjahjono.
Baca Juga: Panday ti Sunda, Sanggeus Pajajaran Runtag, Sumebar ka Sakuliah Nusantara, pada Ngambeuan
Nurutkeun catetan, kiper Teja Paku Alam jeung Reky Rahayu kungsi sababaraha kali teu dimaenkeun alatan tatu.
Pon kitu deui I Made Wirawan jeung Fitrul Dwi Rustapa.
"Sajabi ti eta, dina raraga ngawangun atmosfer kompetitif di unggal lini di Persib Bandung," cek Teddy Tjahjono.
Baca Juga: Bedog-Bedog Kakoncara ti Tatar Sunda, Dijieun Teu Dapon, Pandayna Kudu Bari Puasa
Mario Fabio Londok?
Patali jeung Mario Fabio nu anyar keneh direkrut, samemehna jadi kiper di Persipura Jayapura.
Samemehna jadi kiper Persipura (2019-2022), Mario kungsi maen di Persma Manado (2014), Celebest FC (2016), Martapura FC (2017) jeung Persidago Gorontalo (2018).
Baca Juga: Nugaskeun Tb. Hasanuddin, PDIP P Siap Ngadeudeul Pasanggiri Penca Tradisional
Pamaen nu gumelar di Kotamobagu, 14 November 1997 teh kaasup kiper dirokemendasikeun ku palatih kiper Persi Luizinho Passos. ***