Network
GALURA.CO.ID –Geten ka lingkungan, Babinsa Koramil 1701 Majalengka Kodim 0617/Majalengka, Sertu Tanjung bareng warga karya bakti ngaberesihan saluran cai, di Desa Karayunan, Kecamatan Cigasong, Kabupaten Majalengka, Ahad (28/04/2024).
Kagiatan ngaberesihan saluran cai dilaksanakeun pikeun ngantisipasi ngelebna cai nalika hujan, sarta pikeun ngajaga kaberesihan lingkungan jeung nyinglar mahabuna panyakit DBD anu reungitna ngarendog dina cai beresih nu nangreu.
Sertu Tanjung netelakeun, ngaberesihan saluran cai dilaksanakeun keur ngantisipasi ngelebna cai dibalukarkeun kapengpet ku runtah anu ngagunduk, kawantu ayeuna masih usum mijih. Lian ti eta minangka antisipasi sumebarna panyakit DBD.
"Babinsa, ujung tombak TNI AD kedah getapan kaana situasi sareng kondisi anu aya di wilayah binaanna. Dina kituna salasawios tugas ti Babinsa: mindeng hadir tur aub di masarakat," ceuk Sertu Tanjung.*** Ayank R Sambara
