Network
GALURA.CO.ID –Ketua DPD Partai Amanat Nasional Kabupaten Majalengka (PAN Majalengka), H. Rona Firmansyah, muji kinerja Karna Sobah salila ngajabat bupati ti taun 2018 nepi 2023.
Rona nyebutkeun, Karna Sobahi, Ketua DPC PDIP Majalengka, sukses dina ngarealisasikeun pangwangunan dina rupa-rupa widang di Kabupaten Majalengka.
"Ti taun 2018 nepi 2023, kapamingpinan anjeunna (Karna Sobahi) sukses. Insya Allah ka payunna oge bakal sukses deui," ceuk Rona Firmansyah, Ahad (12/5/2024).
Rona muji ka Karna Sobahi rengse inyana jeung pangurus parteyna silaturahmi sakaligus ngawangun komunikasi politik jeung PDIP Majalengka.
Rona optimistis Karna Sobahi bakal mimpin deui Kabupaten Majalengka lantaran ayana kakuatan di tingkat parlemen katut rojongan-rojongan sacara politik pikeun ngawangun Majalengka ka hareup.
Salian eta, ceuk Rona, PDIP Majalengka sukses dina kontestasi pemilihan legislatif di Pemilu 2024 kalayan nyangking 15 korsi DPRD, alias panglobana di Kabupaten Majalengka.
"PDIP juarana di Kabupaten Majalengka. Tina kituna, teu lepat nalika sim kuring katut rengrengan munggaran silaturahmi ka PDIP Majalengka," ceuk Rona.
Patalina jeung Pilkada 2024, Rona netelkeun DPD PAN Majalengka mibanda tilu calon potensial kalayan kasang tukang anu rupa-rupa: Sherly Kusuma, Aldi jeung Endah.
Inyana miharep, PDIP Majalengka bakal mere tinimbangan tina tilu daftar ngaran calon anu disodorkeun jadi pasangan Karna Sobahi dina Pilkada 2024.
