GALURA - Di Persib Bandung aya dua pamaen nu ngaranna David tapi kaayaanna ayeuna beda.
Nu hiji David Da Siva, nu hiji deui David Rumakiek.
Pangna nasib dua David eta beda, geura we tingali.
Baca Juga: Ngajarkeun Kamandirian, Siswa SDIT Persis Tarogong Garut Ngalaksanakeun 'Edu Staycation' di Nangewer
David da Silva ayeuna keur meujeuhna bungah lantaran dina laga panungtung Persib lawan PSIS Semarang, gede kontribusina ka Persib.
Kumaha teu rek kitu, sabab dina eta laga nu lumangsung di Stadion Jatidiri Salasa 31 Januari 2023 kamari, DDS - kitu nenehna, bisa nyitak gol, hiji, jeung dua operan nu asup ka gul (assist).
Alatan kontribusina, Persib nu asalna aya hambalan katilu klasemen saheulaana Liga 1 2022/2023, nerekel ka puncak, noker Persija Jakarta jeung PSM Makassar.
Baca Juga: Cek PP Muhammadiyah, 1 Ramadhan 1444 Hijriah 23 Maret 2023, Ieu Sihoreng Alesanna
Nya alatan kamari ngasupkeun oge, DDS ayeuna jadi pamaen nu pangreana nyitak gul dina Liga 1 taun ayeuna,16 gul.
"Abdi tangtos bingah. Ieu minangka hasil gawe bareng tim, rojongan bobotoh sareng kulawarga," cek DDS.
DDS miharep bisa terus nembongkeun pangabisana jeung mere kontribusi nu gede ka Persib enggoning ngahontal juara.
Baca Juga: Kasakten Panday ti Sunda, Nyieun Keris jeung Bedog Diemple-Emple ku Ramo
Tatu
Tah ari David nu hiji deui, nyaeta David Rumakiek, ayeuna teh keur meunang ujian kawilang beurat.
Manehna tatu rada beurat dina tuurna nepi ka teu bisa maen dina sababaraha kali pertandingan.
Alatan tatu tea, leumpang ge kamari-kamari kudu make alat bantu leumpang.
Baca Juga: Panday ti Sunda, Sanggeus Pajajaran Runtag, Sumebar ka Sakuliah Nusantara, pada Ngambeuan
Rumakiek can apal iraha bisa tandang makalangan jeung Persib deui.
Ngan manehna gede hate, moal lila deui, sukuna pulih deui.
Nurutkeun Rumakiek, manehna ayeuna geus mimiti ngalatih sukuna, ku jogging alakadarna.
"Mung ayeuna tos rada sakinten. Numurkeun rarancang, latihan lari nembe sasih ayeuna," pokna.
Baca Juga: Nugaskeun Tb. Hasanuddin, PDIP P Siap Ngadeudeul Pasanggiri Penca Tradisional
Pamaen asal Papua ngebrehkeun, manehna geus sono hayang maen deui, nguatan Persid deui.
"Doakeun we ku sadayana, supados abdi enggal sabihari deui," cek Rumakiek. ***