GALURA - Postingan Gubernur Jawa Barat Ridwan Kamil atawa Kang Emil di media sosial ngeunaan kunaon pangna asup Golkar, meunang komentar nu jumlahna rebuan ti netijen.
Tapi tetela, lain wae netijen fans Kang Emil nu mere komentar kana eta postingan teh.
Horeng Menteri BUMN Erick Thohir ge mere komentar kana postingan Kang Emil utamana dina Instagram.
Baca Juga: Soal Kang Emil Asup Golkar, Philips J Vermonte : Lengkah nu Merenah Tur Strategis keur Duanana
Komentar Erick Thohir pondok naker, tapi pikatajieun. Tandaning ngarojong, tapi keur kapentingan bangsa.
"Wulujeng Kang @ridwankamil. Sumangat keur Merah Putih," cek Menteri BUMN.
Komentar Erick Thohir teh nepi Kemis 19 Januari 2-22 jam 11.15 meunang "like" kira 794 jeung puluhan komentar.
Di antara komentar kana postingan Erick Thohir teh aya nu lucu, dituls ku @uray.elvin.
Kieu unina : "@erickthohir kang erick iraha nyusul ke golkar oge,yu rararamean ka dinya."