GALURA- Dina taun 2015 batu ali (batu akik) kungsi ngajaul. Rea nu resep kana batu ali, harita nepi ka nareangan bahan batu ali ka sababaraha lokasi.
Upamana wae ngaprak ka saban lokasi atawa daerah anu miboga potensi batu akik, sabudeureun walungan jeung gunung.
Rea nu mapay walungan CI Jambu nu perenahna di Desa Garajati, Kecamatan Ciwaru, jeung Guha Indrakila di Desa Karangkancana, Kabupaten Kuningan.
Baca Juga: Batu Ali Masih Keneh Rea Nu Mikaresepna, Hiji Batu Ali Aya Nu Meuntas Sajuta Rupia
Teu saeutik urang luar daerah harita nu nareangan batu akik di sabudeureun walungan CI Jambu.
Kawas ti Tangerang, Karawang, Jakarta jeung daerah sejenna.Teuing ti mana mimitina maranehna nyaho lamun di Dusun Cijambu aya potensi batu akik.
Nu neangan batu akik di eta walungan teh marawa mobil, diteundeun di sisi jalan rada anggang ti pilemburan.
Eureun, ku sabab aya larangan ti pamarentah desa.
Harita boh padagang boh pangrajin batu ali marema. Kiwari, saenyana rea keneh nu resep kana batu, Ali.