Network
"Seueur keneh nu resep nganggo batu ali, mung teu sapertos kapungkur. Ayeuna mah nu resep kana batu ali teh ukuran alit sareng warnana ngagurilap,” ceuk Dudung (52), padagang batu ali urang Kelurahan Winduhaji, Kecamatan/Kabupaten Kuningan.
Ku sabab kitu, ceuk Dudung, usaha dagang batu ali teh dikeureuyeuh. Sajaba taya deui pakasaban sejen, oge geus rea palanggan nu biasa datang ka lapak usahana.
Manehna geus kawilang lila muka usaha dagang batu ali, perenahna di simpang tilu Jalan Langlangbuana-Jenderal Sudirman Kuningan.
Baca Juga: Dua Wisata Kuliner di Bogor, Nasi Sunda jeung Bebek Madura, Mewah tapi Murah, Merenah keur Kulawarga
Muka usaha dagang batu ali teh, ceuk Dudung, geus kawilang lila, kurang leuwih 20 taun.
Mimitina mah manehna oge semet resep make batu ali.
Tina resep lila-lila jorojoy aya karep muka usaha dagang batu ali, diajar nyieun batu ali nepika kiwari mayeng.Baca Juga: Wisata Kuliner di Bogor, Tempat Ngopi jeung Cafe Vibes Bali, Murah, Matak Betah, Hoream Mulang
Batu ali nu didagangkeun ku manehna rea jenisna. Diantarana wae batu Kalimaya, batu giok, batu kucubung, jeung rea-rea deui batu ali ali jenis sejenna.
Harga hiji batu ali nu dijual ku Dudung aya nu Rp. 100 rebu, aya oge nu meuntas Rp 1 juta.
Harga batu ali mah, ceuk Dudung, saenyana dumasar tina pangaresepna sewang-sewangan.Baca Juga: Bedog Barlen Mucunghul tina Tradisi di Cibeureum Tanjungsiang Jaman Belanda, Kiwari Aya Kahariwang...
Hiji jenis batu ali hargana bisa mahal, lantaran miboga carita atawa sajarah. Upamana wae kungsi aya pajabat, artis nu make jenis batu ali nu tangtu.
