Network
GALURA -Anggota Komisi I DPR RI Mayjen TNI (P) Tb Hasanuddin ngasongkeun kamandang kana anu ditepikeun ku Presiden Joko Widodo (Jokowi) di kantor Kementerian Pertahanan (Kemhan), Rebo (18/01/2023).
Di Kemhan dina Rapat Pimpinan (Rapim) Kementerian Pertahanan (Kemhan) 2023. Jokowi meredih Kemhan jadi orkestrator intelijen informasi.
"Tadi di lebet simkuring ngadugikeun, pentingna Kementerian Pertahanan janten orkestrator informasi-informasi intelijen di sakumna lini nu ku urang dipibanda," ceuk Jokowi ka wartawan.
Baca Juga: Narima Bangbaluh ti Warga Anggota Komisi C DPRD Kabupaten Bandung Kungker ka Cibeureum Ciwidey
Kana pamaredih Jokowi bieu, Tb Hasanuddin ngelingan dna soal intelejen aya undang-undangna, UU no.17 taun 2011 ngeunaan Intelejen Negara
Dina Pasal 38 Ayat 1 UU Intelejen Negara, ditetelakeun anu jadi koordinator intelejen negara teh BIN (Badan Intelijen Negara), lain Kemhan.
BIN jadi koordinator intelijen negara saterusna diatur dina Perpres No. 67 taun 2013 ngeunaan Koordinasi Intelijen Negara. Pasal 3 eta Perpres unina:
BIN salaku koordinator penyelenggara Intelijen Negara bertugas mengoordinasikan penyelenggaraan Intelijen Negara; memadukan produk Intelijen; melaporkan penyelenggaraan koordinasi Intelijen Negara kepada Presiden; dan mengatur dan mengoordinasikan Intelijen pengamanan pimpinan nasional.
Baca Juga: Pindad Baris Ngaluarkan Kandaraan Taktis Listrik Taun Hareup, Ngaranna ti Presiden Jokowi, MAUNG!
