Network
GALURA – Teu hese ulin atawa jarah ka makam karamat Sembah Dalem Pangudar mah.
Musababna, makam karamat Sembah Dalem Pangudar teh, perenahna aya di sisieun jalan di Lembur Cinangka, Desa Mandalasari Kacamatan Cikancung, Kabupaten Bandung.
Nyungsi makam kararamat Sembah Dalem Pangudar teh oge gampil deuih, bisa kana motor, bisa oge kana mobil pribadi. Make angkutan kota ge bisa sabab kaliwatan ku jalan nu patalimargana rame, tara nepi ka tiiseun.
Baca Juga: Ka Marongge Sumedang Rea Keneh Nu Jarah, Aya nu Neangan Pelet, Angka Togel, jeung Meunang Gawe
Baca Juga: Wisata Kuliner di Kota Bandung, Iga Bakar Si Jangkung jeung Sate Gulai Kambing HM Harris
“Muhun, gampil nyungsi ka ieu makam mah. Mung pami kana angkutan kota, kedah sateuacan tabuh opat sonten,” cek Ceu Siti, tukang dagang nu biasa dagang di kompleks makam ka Galura, anyar-anyar ieu.
Pangna kitu, cenah, sabab liwat ti jam opat sore mah, angkotna euweuh alias henteu jalan. Jadi ti jam opat mah, angkutanna diganti ku ojeg.
Alatan nyungsina teu hese, ulah heran mun nu jarah sasatna merul wae uggal waktu. Meh unggal poe aya nu datang. Angot dina malem Jumaah atawa poe Jumaah mah.
Baca Juga: Desa Tigaherang Rajadesa, Desa Kopi di Kabupaten Ciamis jeung di Jawa Barat
Basa Galura lolongok ge, nu jarah aya welasna. Padahal mah lain malem Jumaah atawa poe Jumaah, tapi poe Senen. Anu daratangna, nurutkeun catetan dina buku tamu, rata-rata urang jauh, lain nu dumuk di sabudeureunana.
Mutuh pikabetaheun komplek makam karamat teh. Sajaba ti aya makam karamat, di jerona aya masigit camperenik tur beresih, keur solat nu jararah.
Rohanganna aya tilu. Rohangan kahiji keur tempat ngadoa lalaki, kadua rohangan keur awewe, nu katilu rohangan utama tempat sumarena Mbah Dalem Pengudar, atawa tempat “silaturahmi” nu jarah jeung Dalem Pangudar, ngaliwatan kuncenna.
Baca Juga: Pa Boji, Ahli Melak Kopi ti DesaTigaherang Rajadesa, Imahna Kaimpungan ku Patani Kopi
Alatan raresik tea, sawatara nu jarah ka Karamat Dalem Pangudar ngaku betah kacida.
“Mun pareng ngendong ge matak resep,” cek Ahi jeung Nana, warga Garut nu harita keur ngadon dahar di warung.
Maranehna ngaku geus sapeuting mondok, alatan keur aya nu dipimaksud patali jeung usaha; hayang leuwih maju batan ayeuna. (Nyambung)***
