Network
GALURA – Ketua Bawaslu Kabupaten Majalengka, H. Agus Asri Sabana, nyebutkeun di Kabupaten Majalengka aya kana 27.190 urang nu geus asup kana daftar pemilih tetap tacan mibanda Kartu Tanda Penduduk (KTP). “Hal ieu diperkirakeun bakal ngabalukarkeun pasualan dina Pemilu 2024,” pokna.
Ceuk Ketua Bawaslu Kabupaten Majalengka, pemilih tetap nu tacan bogaeun KTP bakal ngabalukarkeun potensi kacurangan nu engkena teu mustahil bakal dimangpaatkeun ku partey pamilon pemilu nalika partey politikna eleh dina beubeunang sora.
Ketua Bawaslu Kabupaten Majalengka nepikeun soal pemilih tetap nu tacan mibanda KTP dina acara Sosialisasi Pengawasan Pemilu Serentak 2024 di Kantor Bawaslu Majalengka, Salasa (25/7/2023).
Baca Juga: Mat Peci (1) Keur Budakna Bageur, Taya Cawadeun, malah Masantren
Baca Juga: Mat Peci (2) Budak Nunggal, Kolot Beunghar, ku Naon jadi Rampog Gerot?
"Dipiharep ayana partisipasi aktip ti masarakat sarta media keur nalingakeunana. Loba pasualan nu kapendak di lapangan perkawis data pemilih di tahapan nu tos dilaksankeun sarta nu kiwari nuju lumangsung,” ceuk Agus.
Ceuk Agus nu dibarengn ku sajumlah komisioner Bawaslu, dumasar data tina hasil penetapan jumlah pemilih nu geus ditetepkan KPUD Kabupaten Majalengka 21 juni 2023, jumlah pemilih di Kabupaten Majalengka aya 998.757 calon pemilih, sarta jumlah TPS lobana 3.935.
“Jumlahna pemilih tetap di Kabupaten Majalengka diperkirakeun masih bakal nambahan deui. Di antawisna ti pemilih pemula nu waktos pelaksanaan pemilihan yuswana tos nyumponan syarat pikeun kenging hak pilih," pokna.
Ditambah deui ti anggota TNI jeung pulisi nu pangsiun samemeh Pemilu 2024. “Kamungkinan teu bias ngagunakeun hal pilihna, sabab teu kadaftar di TPS pangdeukeutna, sarta teu pahamanna patugas Panitia Pemungutan Suara, jeung beakna kertas soara akibat kurangna antisipasi petugas pemilihan,” pokna.
