Network
GALURA -Dijungjung lungguh jadi pupuhu SMA Pasundan 1 Kota Bandung, Drs.H. Cahya, M.Si nu samemehna mancen jabatan Kepala SMA Pasundan 2 Kota Bandung, baris neruskeun kawijakan nu salila ieu geus dilaksanakeun ku pupuhu nu ti heula: miangkeun guru ngalaksanakeun ibadah umroh.
“Husus kawijakan ti simkuring mah, ngawitan taun payun, saban taun guru nu ngalaksanakeun ibadah umroh ka Tanah Suci, Mekkah, teh dua urang,” pokna. Kawijakan nginditkeun guru nu umroh, salila ieu geus dilaksanakeun di lingkungan SMA Pasundan 2 Kota Bandung.
Lian ti Umroh, ieu mantan Kepala SMA Pasundan 4 Bandung teh, baris ngaronjatkeun tambahan honorarium keur para guru nu baris dilakukeun mimiti bulan hareup. “Ngan, konsekwensina para guru kedah leres-leres langkung ngaronjatkeun SDM profesina, “ pokna.
Baca Juga: SMK Pasundan 3 Kota Cimahi Rukun gawe jeung Kolej Vokasional Malayasia
Kajaba ti eta, mertahankeun saniskara prestasi akademik jeung prestasi olahraga nu salila ieu geus dileler ku sajumlah siswa.
“Baris aya sawatara jurus keur leuwih ngaronjatkeun ajen pendidikan. Lulusan SMP, MTs dina PPDB taun ayeuna, ngaleut ngeungkeuy ngabandaleut ndaftar jadi siswa di SMA Pasundan 1 Kota Bandung,” walon Cahya mungkas obrolan.*** Cecep Ks.
