Network
GALURA –Komunitas Gada Membaca Desa Winduraja, Kecamatan Kawali Kabupaten Ciamis dina Bulan Suci Ramadhan ngagelar rupa-rupa kagiatan ngabuburit nu aya patalina jeung literasi. Kagiatanana dingaranan Kampung Ramadhan 144 H. Rencanana bakal dibuka ku Bunda Literasi Ciamis, Hj Kania Ernawati.
Agus Munawar pangaping Komunitas Gada Membaca nyebutkeun dina Bulan Suci Ramadhan maneuh dilaksanakeun ngabuburit ku kagiatan literasi. Ngan dua taun kamari mah kapegat ku salasad. Taun ayeuna Kampung Ramadhan 1444 H dilaksanakeun leuwih gumebyar sarta bakal dibuka ku Bunda Literasi Ciamis.
Dina Kampung Ramadhan 1444 H digelar rupa-rupa kagiatan literasi nu tempatna di pabukon Komunitas Gada Membaca. “Insya Alloh bade dibuka ku Bunda Literasi Ciamis, ping 26 Maret 2023, dinten Ahad,” ceuk Agus Munawar. Kampung Ramadhan teh ceuk Agus ngabuburit ku kagiatan nu gede mangpaatna.
Baca Juga: Putri Anjungsari (58), Prajurit Cirebon nu Ngungudag Urang Pajajaran Diperuhkeun ku Cara Ditotok
Kampung Ramadhan 1444 H nu tempatna di pabukon Komunitas Gada Membaca ngagelar sababaraha kagiatan: Lomba Menulis Keseruan Puasa Ramadhan (SD/MI, SMP/MTs), Lomba Membaca pada Pocadi (SD/MI, SMP/MTs).Lomba Membaca Puisi (SD/MI, SMP/MTs), jeung Lomba Mendogeng (SD/MI).
Lian ti lomba oge digelar Parade Marawis, Pelatihan Menulis Sejarah Kampung, Bedah Buku, Pelatihan Pengelohan Buku, Pelatihan Memandikan Jenazah, Ecobrick jeung rea-rea deui.
“Anu bade ngiring lomba, pelatihan, sareng kagiatan sanesna henteu dipulut nanaon. Gratis. Kantun daftar di pabukon Komunitas Gada Membaca,” ceuk Agus Munawar.***
