Network
GALURA -Sawatara waktu ka tukang SMK Pasundan 3 Kota Cimahi, nu diwakilan ku kepala sakolana, Subaryo, S.Pd., M.Pd di Johor Malayasia nanda tangan kasapukan jeung Kolej Vokasional Malayasia nu diwakilan ku Faisal bin MD Kasim.
Kasapukeun antara SMK Pasundan 3 Kota Cimahi jeung Kolej Vokasional Malayasia ngawengka dina lebah ngaronjatkeun karancagean siswa jeung ngaronjatkeun kualitas guru.
“Di sajumlah Kolej Vokasional nu aya di Johor, Malayasia, aya sawatara program atikan profesional nu bisa dijadikeun conto nu kawilang dibutuhkeun ku SMK Pasundan 3 Kota Cimahi, patalina jeung kamekaran katut kabutuhan industri,” pokna.
Baca Juga: Kampung Ramadhan Gada Membaca, Bunda Literasi Kabupaten Ciamis: Ngabiasakeun Maca Penting pisan
Ceuk Subaryo, nu ngadongdong ka Malasyia teh lain SMK Pasundan 3 Cimahi wungkul, tapi aya 11 wawakil SMK sa-Kota Cimahi nu bareng indit ka Malasyia. Subaryo, kaselir jadi Ketua Delegasina.
Lian ti soal pendidikan, Subaryo katut rombongan, salila di Johor, Malasyia, ngadongdon sajumlah tempat perkantoran Koperasi.
“Neuleuman manajemenna, transparansina, cara ngokolakeun koperasi di lingkungan sakola, nu bisa diturutan, diterapkeun di urang. Koperasi di lingkungan Kolej Vokasional, hade pisan manajemenna,” pokna.*** Cecep Ks
