Network
GALURA.CO.ID - TMMD ka-119 Kodim 0617/Majalengka anu tempatna di Desa Cipasung, Kecamatan Lemahsugih, Kabupaten Majalengka, sacara resmi ditutup Kapoksahli Pangdam III/Siliwangi Brigjend TNI Sugiyono, Rebo (20/3/2024).
Diluuhan ku Danrem 063/SGJ, Danlanal Cirebon, Waasren Kasdam III/Siliwangi, Waaslog Kasdam III/Siliwangi, Pj. Bupati Majalengka, Ketua DPRD Majalengka, Sekda Kab. Majalengka, sakumna Dandim jajaran Korem 063/SGJ, Dankesyah 03.04.03 Cirebon, Dandenpom III/Cirebon, Dandenpal lll/3 Cirebon, Danlanud S Sukani, sakumna Kasi Korem 063/SGJ, Kabag Ops Polres Majalengka.
Dina amanatna Pangdam III/Siliwangi anu dibacakeun ku Kapoksahli Pangdam III/Siliwangi umajak pikeun munajat jeung syukuran ka Allah SWT, rahmat katut ridho-Na, bisa ngaluuhan upacara panutupan TMMD ka-119 TA 2024 dina kaayaan sehat walafiat.
Salian eta, TMMD oge jadi sarana panghadena keur TNI pikeun aub di tengah-tengah masarakat dina raraga ngagedurkeun sumanget gotong royong katut energi positif pikeun maju nyangking kaunggulan. Sakumaha jejer TMMD: "Darma Bakti TMMD Mewujudkan Percepatan Pembangunan di Wilayah."
"Saluyu jejer TMMD nyaeta "Darma Bakti TMMD Mewujudkan Percepatan Pembangunan di Wilayah", hal ieu janten landasan kangge ngawujudkeun kaunggulan sasarengan," ceuk Brigjend TNI Sugiyono, Rebo (20/3/2024).
Saluyu amanatna Pangdam III/Siliwangi, Brigjend TNI Sugiyono, umajak ka sakumna pihak keur mertahankeun sumanget gotong-royong jeung ngamngpaatkeunn hasil program TMMD ka-119 pikeun karaharjaan masarakat.
Salila kagiatan TMMD, sakumna target fisik jeung non fisik geus sukses direngsekeun kalayan sampurna alatan rempug gawe anu solid antara Prajurit TNI, Polri, Pemda jeung sakumna masarakat.
Baca Juga: Satgas TMMD ka-119 Kodim 0617/Majalengka Buka Puasa jeung Warga
"Rempug gawe antawis TNI, Polri, Pemda katut masarakat tos ngabuahkeun hasil positip kalayan ngarengsekeun sakumna sasaran fisik katut non fisik," ceuk Brigjend TNI Sugiyono.
Pihakna oge ngahatur nuhunkeun ka gubernur, bupati jeung unsur Forkopimda anu geus ngarojong program TMMD ka-119 Taun Anggaran 2024.
Disebutkeun, Brigjend TNI Sugiyono oge ngingetan ka sakumna prajurit Satgas TMMD keur saenyana nitenan faktor kaamanan nalika mulang deui ka induk pasukan masing-masing.
"Sakumna kagiatan TMMD ka-119 Kodim 0617 Majalengka dipiharep jadi pembelajaran kangge janten bagian ti solusi tur motivasi kangge pangwangunan masarakat, kumargi sajatina TNI lahir ti rayat sareng ngabdi kangge rayat," ceuk Brigjend TNI Sugiyono.*** Ayank R Sambara
