Network
GALURA.CO.ID -Ibadah puasa di bulan Romadon teu ngurangan sumanget digawe anggota Satgas TMMD ka-119 Kodim 0617 Majalengka dina nuluykeun hanca pengerasan jalan.
Anggota Satgas TMMD ka-119 Kodim 0617 Majalengka jeung masarakat sacara gotong royong nuluykeun pagawean pengerasan jalan sapanjang 3000 meter di Desa Cipasung, Kecamatan Lemahsugih, Kabupaten Majalengka.
Bari jeung ngalakonan ibadah puasa, nggota Satgas TMMD tetep nuluykeun pekerjaan.
"Pangwangunan jalan sapanjang 3000 meter dipiharep tiasa maparina manpaat kangge masarakat Desa Cipasung sareng sabudeureunna, sarta ngagampilkeun mobilitas masarakat," ceuk Letkol Inf Dudy Pilianto, S.Pd., M.I.P., Dansatgas TMMD ka-119 Kodim 0617/Majalengka, Senen (17/3/2024).
Satgas TMMD katut masarakat ceuk Letkol Inf Dudy Pilianto make ku alat berat ngabatu jalan. "Dipiharep tiasa rengse dina waktuna nalika waktos penutupan kagiatan TMMD," ceuk Lerkol Inf Dudy Pilianto.
"TMMD, tiasa langkung nanjeurkeun kamanunggalan TNI katut rayat, sarta TNI tetep aya dina manah rayat," ceuk Dansatgas deui.*** Ayank R Sambara
