Parurugi Tanah Warga Kasabet Bendungan Sadawarna Sumedang Ngagantung Keneh?

GALURA - Sawadina mah parurugi (ganti rugi) tanah warga anu kasabet ku Bendungan Sadawarna Sumedang geus rengse, ulang ngagantung.

Enya, apanan Bendungan Sadawarnana oge geus diresmikeun ku Presiden Joko Widodo, tungtung 2022 nu geus kaliwat.

Ngan duka ku naon, eta parurugi Bendungan Sadawarna can keneh kaluar atawa rengse.

Baca Juga: Saulas Banda Pusaka Bupati Sumedang nu Dirumat jeung Dipusti-pusti di Museum Prabu Geusan Ulun

Nya ulah heran mun warga nu can nampa terus natanyakeun ka pamarentah. 

Hiji nu natanyakeun teh di antarana Rahmat nu ngaku kulawarga nu nepi ka ayeuna can keneh narima parurugi.

Nurutkeun Rahmat, Bendungan Sadawarna nu aya di lemburna teh hiji bendungan nu kaasup rohaka di Kabupaten Sumedang, Subang jeung Indramayu.

Baca Juga: Mun Keur Ngibing dina Tarawangsa Rancakalong Sumedang Kasarumahan Tandaning Karuhun Datang, Kudu Bungah

Apanan bendungan teh meakeun waragad gede, ngahontal Rp2 trilyun. Lian ti eta areal nu kakeueumna oge aya ratusna hektar.