Hujan Ngagebrét tur Rohaka Jumaah Pasosoré Ngabalukarkeun Caah jeung Urug di Pakidulan Garut

Témahna, di sawatara wewengkon Garut aya musibah alam mangrupa, lemah urug, caah jeung ruksakna sasak.

"Kajadianna, nu kacatet nyaéta di Kacamatan Bungbulang, Pamulihan jeung Pakénjeng," cek Satria Budi.

Nurutkeun Satria Budi, balukar hujan silalantang jeung lila, walungan réa nu mudal, terus asup ka imah penduduk.

Baca Juga: Kembaranana Aya di Surabaya Gedong Saté Teu Bisa Dijadikeun Model Arsitektur Sunda

Di Bungbuluang, upamana, balukar walungan mudal, saeutikna tujuh imah kakeueum. Ngan untungna waé caina téréh orot jeung teu ngabalukarkeun korban jwa.

Lian éta, di Bungbulang téh aya ogé sasak nu ruksak ditarajang cai walungan nu rohaka. Kajadianna tumiba ka sasak Waralayan di Gunamekar Kacamatan Bungbulang.

Sedengkeun musibah tanah urug, kajadianna di sawatara wewengkon di Pakenjeng, nu ngalantarankeun jalan desa karimbunan taneuh.

Baca Juga: Ketua Déwan Pengawas: Perumda Air Minum Tirta Raharja Bisa Ngagunakeun CSR pikeun Ngokolakeun Leuweung

"Tapi tos dibébérés ku masarakat ku cara mandiri," pokna.***