Rekoméndasi Piknik ka 'Hidden Gem' Anyar di Bogor, Tempat Wisata Endah Tur 'Instagramable', Pikabetaheun!

GALURA - Bogor, mibanda tempat piknik atawa wisata pikabetaheun mun dijugjug, boh jeung kulawarga, boh jeung bébéné.

Hiji antarana, nu kabeneran keur viral nyaéta Jowey Kitchen nu perenahna di Jalan Taman Sari No 88, Taman Sari, Bogor.

"Ieu tempat mémang éndah, pikaresepeun, sareng instagramable," cek Noni ArtyXXX dina instagram @visitbogor, dina postingan ngeunaan éta tempat wisata.

Baca Juga: Ningali jeung Dipoto Latar Kembang Sakura Teu Kudu ka Jepang, di Bogor Gé Aya, Rékomendasi Wisata Peré Imlék

Nurutkeun katerangan, ieu tempat wisata téh ayeuna keur viral. Tempatnya pada ngabagikeun di media sosial kayaning Facebook, Twitter, YouTube jeung Instagram.

Tangtu saméméhna, nu ngabagikeun éta tempat wisata téh, kungsi heula ulin jeung ngararasakeun kaendahanana.

Lantaran tempatna éndah, pikabetaheun jeung instagramable kalawan fasilitas piknik nu kumplit, ulah héran mun réa nu nelah "hidden gem" atawa mutiara nyumput, ka Jowey Kitchen téh.

Baca Juga: Pakansi Pabaru Imlék di Taman Safari Indonesia Cisarua Bogor, Aya Parade Sun Go Kong, Ieu Beréndélan Acarana

Sakumaha anu dituliskeun ku @visitbogor, konsep ieu tempat wisata di Bogor téh "interior industrial".

Hawana seger tur linduk, di sakurilingna katénjo sawah jeung kebon, suasana nu aya di padésaan.