Network
GALURA.CO.ID -Hujan ti sore kamari, Kemis, 25 April 2924 tepi ka peuting nu ayer-ayeran di wewengkon Bandung dituding jadi balukar banjir di sabudeureun Kecamatan Margahayu.
Geus puguh di Jalan Dèngdèk (Jadek) wates Desa Margahayu Selatan jeung Desa Sayati mah. Di RT O1/08 luhurna cai tepi ka 50 senti meter. Sababaraha warga nu imahna kaanjangan cai saluhureun bitis riweuh ngamankeun barang-barang bogana sewang-sewangan.
Salasaurang warga RT 95/05 Desa Sayati, Kang Yans dina status FB-na ngangluh sabab cai ngeueum imahna: "Yang belum ada solusinya. Perlu sentuhan untuk warga Sayatu: Banjir , " kitu uni status FB-na.
Pamarèntah ti tingkat desa, kecamatan tepi ka Kabupaten Bandung geus satèkah polah ngungkulan pasualan banjir Jadek.
Tapi can aya hasil anu nyugemakeun. Pasualanana beda kawenangan antara Pamarèntah Kabupaten Bandung jeung provinsi dianggap nu jadi hahalangna. *** Sopandi
