GALURA - Bék Persib Bandung Henhen Herdiana rék usaha satekah polah ngetrukkeun kamampuhna dina pertandingan ngalawan Borneo FC, Kemis 26 Januari 2023 isukan.
Henhen ogé rék ngupayakeun henteu ngalakukeun kasalahan nu temahna goreng di lini pertahanan Persib.
Eta téh jangji Henhen sakumaha anu diwartakeun ku persib.co.id sawatara jam ka tukang, saméméh Persib adu hareupan jeung Borneo FC.
Baca Juga: 840 PPS Dilantik jeung Disumpah, Ketua KPU Kabupten Bandung: Siap Ngalaksanakeun Pemilu
Baca Juga: Jadi Ketua Umum KONI Kabupaten Bandung, Yana Suryana Nargétkeun Asup 3 Besar di Porprov Jabar 2026
"Dina pertandingan enjing, abdi saparakanca kedah fokus," cek Henhen.
Sajaba ti baris fokus, manéhna ogé rék ngajagaan pertahanan Persib enya-enya malar teu kaserang ku lawan nepi ka kaasupan.
"Muhun, abdi badé ngupayakeun pisan henteu midamel kalepatan di lini pertahanan," cek Henhen deui.
Baca Juga: Prasasti Geger Hanjuang Cenah mah Meunang Nyieun KF Holle
Persib ayeuna teh kaasup keur meujeuhna mangprang.
Buktina, dina 11 pertandingan panungtung, Persib can kungsi éléh, nepi ka posisina ayeuna terus nérékél dina klasemen saheualanan BRI Liga 1.
Nurutkeun Henhen, ponggawa Maung Bandung ayeuna rek ihtiar pisan sangkan teu tijalikeuh dina pertandingan nu rek disorang, kaasup ngayonan Borneo FC isukan.
Mun tijalikeuh, posisi Persib tangtu nyirorot deui. Tapi mun meunang, kaasup nalika adu hareupan jeung Borneo FC, Persib Bandung bisa aya di puncak klasemen sementara.
Baca Juga: Rakor Kemendagri jeung Daerah, Sekda Ciamis Tatang: Inflasi Kudu Bisa Diungkulan
"Laga ngalawanan Borneo FC penting kacida kanggo manjangkeun tren positif Maung Bandung," cek Henhen. ***