Network
“UING tadi nempo ka Aki Jaya balik ka Cikupa tumpak maung. Tuh, ti deukeut dapuran haur konéng,” ceuk Suba.
“Aki mah teu boga iinguan nu kararitu.”
“Tapi naha Aki bisa bulak-balik ka lembur gancang pisan. Ari jeung uing mah leumpang, méakkeun satengah poé leuwih.”
“Béda pamaké Aki jeung Aki Jaya mah....”
“Aki tumpak naon?”
“Teu tutumpakan...”
“Naha bisa gancang?”
“Can waktuna boga élmu nu kitu.Tacan kuat ngabadanana.”
“Iraha kuatna.”
