Rakor Kemendagri jeung Daerah, Sekda Ciamis Tatang: Inflasi Kudu Bisa Diungkulan

GALURA -Kementrian Dalam Negri (Kemendagri) ngagelar rapat koordinasi (Rakor) keur ngadalian inflasi. Rakor lumangsung virtual, Salasa (24/01/2023).

Kabeh pamarentah daerah tingkat II (kabupaten jeung kota) miluan Rakor virtual Kemendagri ngeunaan inflasi, kaasup Kabupaten Ciamis.

Kabupaten Ciamis dina rakor virtual Kemendagri ngeuaan inflasi diwakilan ku Sekda Cimais, H. Tatang. Dibarengan ku pajabat sejnna.

Dina rakor, Mendagri Tito ngadadarkeun hal-hal nu ditepikeun ku Presiden RI Joko Widodo dina rakor nasional jeung daerah katut Forkopimda saindonesia, 17 Januari kamari.

Baca Juga: Komisi D DPRD Kabupaten Ciamis Nganjang ka SD jeung ka SMP, keur Leuwih Ngaronjatkeun Atikan Pendidikan Dasar

Harita Presiden Joko Widodo nepikeun 8 hal nu kudu diperhatikeun ku pemda kabupaten jeung kota dina ngadalian inflasi.

“Inflasi kudu diungkulan ku cara nitenan sacara langsung harga, sarta kudu ati-ati dina ngatur tarif (PDAM jeung angkutan umum),” ceuk Tatang.

Kemiskinan ekstrim kudu bisa diturunkeun tepi ka dina taun 2024 ngahontal target 0%. Stunting oge kudu kurang ti 14% dina taun 2024.

Gancang rengsekeun dua pasualan investasi: Kesesuaian Kegiatan Pemanfaatan Ruang (KKPR) jeung Persetujuan Bangunan Gedung (PBG).