GALURA.CO.ID -Kacilakaan lalulintas nu kajadian di Jalan Raya Terusan Kopo, hareupeun SMPN /SMAN 1 Margahayu Rt.001/007, Kelurahan Sulaiman, Kecamatan Margahayu, Senen, 22 April 2024 niwaskeun Hana Rif'at Salsabila (20 taun) nu keur tumpak motor.
Ceuk katerangan Kapolsek Margahayu, Kompol Rizal Adam Al-Hasan, dina surat laporanana ka Kapolresta Bandung, ieu kacilakaan lalulintas sakira jam 13.00 WIB.
Kajadianana, Honda Vario warna hideung No Pol : D-5273-UH nu ditumpakan korban holna ti lebah Kota Bandung ka Sorèangkeun. Dina waktu NU sarua rombongan beus TNI AU nu kaluar ti Pos 1 Pangkalan TNI AU, sarta terus ka Soreangkeun.
Baca Juga: Jalan Cikijing-Kuningan Urug, Sat Lantas Polres Majalengka Ngarekayasa Lalu Lintas
Pas di hareupeun SMAN/SMPN 1 atawa beulah kulon pasantren Matlaul Anwar Palgenep Desa Margahayu Selatan korban katubruk ti tukang ku beus rombongan TNI AU. Diduga supir beus teu ngajaga jarak jeung balangah.
Korban nu tiwas di tempat kajadian tèh
mahasiswi Prodi S1 Manajemen Fakultas Ekonomi dan Bisnis Universitas Terbuka Bandung. Inyana warga Jalan Saluyu, Rt.04/14 Desa Sayati Kecamatan Margahayu.
Korban dibawa ka RS Sulaiman, satuluyna ieu kajadian dilimpahkeun ka Unit Laka Lantas Polresta Bandung. Tepi ka ieu warta diturunkeun jam 17.22 WIB tacan aya katerangan ti pihak pangkalan TNI AU.*** Sopandi