Network
GALURA.CO.ID -Gunung Guntur nu pernahna di Kecamatan Tarogong Kabupaten Garut, Jawa Barat, mibanda kawasan hutan Dipterokarp Bukit, hutan Dipterokarp Atas, hutan Montane, jeung Hutan Ericaceous atawa hutan gunung.
Gunung Guntur, luhurna 2.249 meter tina beungeut cai laut (dari permukaan laut), kaasup gunung berapitipe stratovolcano, pernahna di Sirnajaya, Tarogong Kaler, Kabupaten Garut.
Ieu gunung teu pajauh jeung gunung-gunung sejenana nu ngurilingan Kota Garut. Nu matak kaharti jaman Walanda Kota Garut dilandi Swiss van Java.
Baca Juga: Sasakala Daun Pulus Jadi Merang, Asalna tina Peurah Oray Sanca
Kiduleun Gunung Guntur: Gunung Putri nu peunteung-eunteung jeung Gunung Cikuray sarta Gunung Papandayan. Kuloneun Gunung Guntur: Gunung Masigit, Gunung Parupuyan, jeung gunung sejenna.
Ku sabab kaluar cipanas nu ngandung walirang, di tutugan Gunung Guntur, di Kecamtan Tarogong, jadi tempat wisata.
Di ponclot Gunung Guntur aya kaldera nu lega pisan jeung jero. Ieu kaldera balukar tina bituna Gunung Guntur taun 1800-an nu kacatet 21 kali.
Disawang ti kajauhan ponclot Gunung Guntur siga nu anyar urug, taya tatangkalan. Eta teh alatan karakteristik Gunung Guntur umumna keusik tepi ka tutuwuhan teu hirup sarta tembong angar.
Najan kitu sabagean kawasan loba eurihan, disawang ti kajauhan mah siga savana. Di ponclotna ukur aya babaraha hiji tangkal cantigi.
