GALURA.CO.ID -Kelompok Kerja Guru Pendidikan Agama Islam (KKG PAI) SD Kecamatan Kertasari Kabupaten Badung ngagelar Pekan Keterampilan (Pentas) PAI di Kecamatan Kertasari, Rebo, 28 Februari 2024.
Dina Pentas diayakeun saniskara lomba: Lomba Cersas Cermat (LCC), Rebana, Tahfid Qur'an, Adzan, Praktik Solat, Kaligrafi siswa SD sakecamatan Kertasari.
Ketua Penyelenggara Pentas, Acep Hermawan, S.Pd.I, M.Pd.I nyebutkeun, Pentas PAI jadi wadah keur para siswa pikeun mintonkeun kaparigelan jeung kamotèkaran tur inovatif dina widang Pendidikan Agama Islam.
Baca Juga: Optimalkeun Sarana di Sakola, Pj Bupati Kuningan Apresiasi Disdik Jabar
Acep nyebutkeun, jejer Pentas PAI: "Melalui Pentas PAI Kita Wujudkan Peserta Didik yang Ikhlas dalam Beramal Cerdas, Berpikir, dan Berakhlak Al-Qur'an".
Acep ngajelaskeun jejer bieu mibanda sababarha aspek penting, di antarana Ihlas dina amal-amalan. Pentas PAI mibanda tujuan pikeun ngabentuk peserta didik nu ngalakonan amalan kalayan ihlas.*** Sopandi