Merdeka Belajar Budaya Sunda Di SDN 54 Citepus Kota Bandung

GALURA.CO.ID -Merdeka Belajar teh program nu  ditaratas ku Menteri Pendidikan   Kebudayaan Riset dan Teknologi.

Merdeka Belajar ta­rekah  sangkan siswa bisa be­bas mikir jeung mudalkeun ekspesi. Kurikulum  Merdeka Bela­jar  di SDN  154 Citepus, Kalu­rahan Pajajaran, Kaca­mat­an Cicendo Kota Ban­dung,   ceuk salasaurang gu­runa,  Rohaeni, S.Pd (55), Wali Kelas 4-A, bisa diterapkeun kalayan hade.

Di semester hiji ceuk Bu Eni aya  Berkebhinekaan Glo­bal. Para siswa kudu nga­jenan jeung mika­wanoh kana  budayana, ulah nepi ka teu apal kana kaulinan barudak.

Baca Juga: SDN 220 Gumuruh Kota Bandung Gelar Karya Siswa Program P5

Di semes­ter hiji   diajarkeun gotong royong.  “Nya janten ku abdi teh dia­dumanis­keun we, barudak sina magelarkeun seni saca­ra kolompok di payuneun kelas sa­reng alhamdulillah rare­sep­eun naker. Barudak cicingeun ge janten wanter tingrengkenek min­ton­keun hasil karyana sa­pertos Tari Manuk Da­da­li, Tari Cingc­ang­keling, sareng tarian daerah sanesna,” ceuk Bu Eni.

Parasiswa arantusias pi­san  kana Kurikulum Mer­deka teh. “Kurikulum Mer­deka memang kanggo ngali  bakat sareng karakter anak,. Janten teu boseneun, teu di­a­jar teori wung­kul,” pokna.

Lian ti kitu, Ku Bu Eni para siswa teh dititah mawa  kuliner atawa katuangan tra­disional. Isukna rabul aya nu marawa Tengteng, Noga Suuk, Surabi, Ali Agrem, Nagasari,  Bugis, Wajit jeung nu liana.

Bari teu arapaleun eta teh naon ngaranna jeung kumaha cara nyieun jeung bahan-bahanna.  Nya dite­rangkeun ku guru sajalan­trahna, malah kahareupna  para siswa rek diajarkeun cara nyieunna, ti mimiti nyiar bahanna,  cara nyieun  jeung nyuguhkeunana

Baca Juga: Prestasi Siswa Madrasah Al-Haq Kabupaten Bandung aya nu Tingkat Internasional