Network
GALURA.CO.ID -Madrasastah Al-Haq Margahayu ngayakeun acara Penampilan Ekstrakurikeler MI dan MTs di Aula Madrasah Al-Haq, Jalan Manglid, Desa Margahayu Selatan, Kecamatan Marhahayu, Kabupaten Bandung, 15-16 Desember 2023.
Kepala MTs Al-Haq Dra. Hj. Yeni Siti Ruba'ah nètèlakeun, ieu acara pikeun nembongkeun karya ekstrakurikuler.
"Salami ieu upami ngabagikeun buku raport siswa, sepuhna siswa mung ningal seratan. Tah, ayeuna aranjeunna ningal pintonan marulangkalihna, " ceuk Yeni Siti Ruba'ah dina lolongkrang acara, Saptu 16 Desember 2023.
Baca Juga: Di Sakola, Caleg DPR RI Lucky Richard Leuwih Ngawanohkeun Diri di Rancaèkek Kabupaten Bandung
Yeni nyebutkeun, 15 ekskul nu dipintonkeun teh boh online boh ofline. "Nu online ngalangkungan video, di antawisna aya basket, bulu tangkis, panahan, sareng putsal, ku margi kagiatanana diayakeun di luar sakola. Ari nu langsung dipintonkeun mah sapertos kreasi seni tari sareng hafidz Qur'an, " pokna.
Ngabagikeun buku raport bari mintonkeun kamotèkaran Ekstrakurikuler mitembeyan diayakeun Madrasah Al-haq.
Ieu madarasah muka Raudhatul Athfal (RA), Madrasah Ibtidaiyah (MI), katut MadrasahbTsanawiyah (MI).
Yeni miharep saban taun acara saperti kieu maneuh. "Apanan ayeuna aya intrakurikuler, kokurikuler, ekstrakurikuler," pokna.
Baca Juga: Apresiasi Pemilihan Duta Baca, Pikeun Ngajenan Potensi Literasi Rumaja
