GALURA.CO.ID -Kepala Dinas Ketahanan Pangan dan Perikanan (Dispakan) Kabupaten Bandung, Ir. Ina Dewi Kania, M.P.d., nandeskeun bantuan sembako keur seniman & budayawan di Kabupaten Bandung nu jumlahna 15.000 tèh can dibagikeun kabeh.
Ceuk ina, 500 paket sembako nu dipasrahkeun Bupati Bandung, Dadang Supriatna di Padepokan Pesantren Budaya Girijarja di Jelekong, Saptu, 10 Februari, èta mah karèk simbolis.
Ina nyebutkeun, pihakna keur nungguan data ti kecamatan. "Kahoyong simkuring datana sakecamatan-sakacamatan," pokna.
Baca Juga: Rewuan Seniman jeung Budayawan Meunang Bantuan Pangan ti Bupati Bandung
Anu 500 paket, Ceuk Ina, simbolis wungkul. "Kumargi asa kirang raos upami dibagikeun sateuacan pemilu, bilih disangki nanaon. Sok sanaos bansos ieu tèh sanès mung ayeuna, margi sateuacana ogè kantos Pasebban nampi, " ceuk Ina.
dina telepon, Senen, 12 Pebruari 2024.
Ina nètèlakeun, ari data ti Pasebban mah geus aya, kari nyiapkeun sembakona. Inyana rèk satèkah polah sangkan rèngsè samèmèh bèak bulan Februari ayeuna sabada rèngsè Pemilu.
Inyana amanat ka Galura, mun seug aya nanaon mènta diiberan.
Pangakuan Ina Kania Dewi bisa jadi mupus kahèmeng pupuhu Pasebban Puseur, Danni Sugiri.
Baca Juga: Ngaresmikeun RSUD Bedas Tegalluar, Bupati Bandung Nyita-Nyita Ngadegkeun deui 6 Rumah Sakit