Network
GALURA.CO.ID - Ketua Panwaslu Kecamatan Tanjungmedar, Kabupaten Sumedang, Ani Siti Maryani, SE, mastikeun dina masa tenang 11 - 13 Februari 2024, di Kecamatan Tanjungmedar tepi ka prungna Pemilu, 14 Februari 2024, moal aya politik uang.
Mun tea mah kapanggih aya pihak nu ngalakukeun politik uang, Panwaslu Kecamatan Tanjungmedar bakal nindak tegas. Kitu deui kampanye dina masa tenang dina bentuk naon wae bakal ditindak.
Salian ti beurang peuting nalingan kaaayaan bisa aya nu ngarempak aturan, Panwaslu Kecamatan Tanjungmedar ngakatan Alat Peraga Kampanye (APK) gawe ruku jeung Satpol PP. Dibarengan ku Forkopimcam Tanjungmedar.
Baca Juga: Ratusan APK Ngahunyud Jadi Runtah di Palataran Kantor Kecamatan Margahayu
Anu nyebutkeun Panwaslu di-SKan ku Bupati Subang sangkan mibanda legitimasi keur nartibkeun APK. Panwaslu terus ngamonitor jeung mariksa ka tiap wilayah ku cara ngabagi tugas pikeun mastikeun di Kecamatan Tanjungmedar geus teu aya deui APK nu can dikakatan.
Masih ceuk Ani, Panwaslu dina masa tenang ngalaksanakeun panalingaan kalawan daria babarengan jeung pengawas TPS luyu jeung tugas fungsi pengawas TPS. Unggal poe, unggal peuting, patroli di unggal wilayah TPS geusan mastikeun teu aya deui nu kampanye.***
