Network
GALURA.CO.ID -Bupati Bandung, Dadang Supriatna ngaresmikeun Rumah Sakit Umum Daerah (RSUD) Bedas Tegalluar di Desa Tegalluar, Kecamatan Bojongsoang, Kabupaten Bandung, Senèn, 12 Pebruari 2024.
Bupati Bandung kacida ngapresiasi boh ka para OPD boh ka palaksana pangwangunan gedung RSUD Bedas Tegalluar.
Dadang Supriatna nyebutkeun, karèk 2,9 taun diirina nyangking Bupati Bandung geus 4 rumah sakit diadegkeun: RSUD Bedas Kertasari, RSUD Bedas Cimaung, RSUD Bedas Tegalluar, jeung RSUD Bedas Arjasari.
Baca Juga: Pemkab Bandung Muka Seleksi keur Ngayak Pidirektureun RSUD Majalaya
Poè ieu kènèh RSUD Bedas Arjasari diresmikeun. "Simkuring meredih RSUD Bedas Pacira ogè elatna sasih Maret 2024 tos tiasa dikawitan proses pangwangunana," ceuk Dadang Supriatna.
Ngadegkeun RSUD ceuk Dadang Supriatna, pikeun nyumponan kabutuhan dasar kasehatan masyarakat Kabupaten Bandung nu jumlahna kana 3,7 juta urang.
"Danget ieu Kabupaten Bandung ngagaduhan 7 rumah sakit: RSUD Majalaya, RSUD Cicalengka, RSUD Oto Iskandar Di Nata, ditambih 4 RSUD Bedas," ceuk bupati.
Idealna ceuk Dadang Supriatna, kabutuhan rawat inep jeung penduduk Kabupaten Bandung nu 3,7 jiwa tèh boh nu disiapkeun pamarètah daerah Kabupaten Bandung, Provinsi Jabar boh pusat sajumlah 3700 tempat rawat inep.
Baca Juga: RSUD Bedas Bojongsoang Impian Bupati Bandung Waktu Masih Jadi Kades
