Network
GALURA -Kapolres Majalengka Polda Jabar, AKBP Edwin Affandi, besuk anggota Polri, Kasat Intelkam Polres Majalengka, AKP H. Agus Romy, nu keur di opnameu di Rumah Sakit Umum Daerah (RSUD) Majalengka, Salasa (28/3/2023).
"Besuk anggota Polri, Bapa Kasat Intelkam nu tos sadinten di opnameu di rumah sakit,"ceuk Kapolres Majalengka nu dibarengan ku Kabag SDM Polres Majalengka, Kompol Dadan Sudirman jeung Paurmin Bag SDM Polres Majalengka, Ipda Ade Iwan Ridwan,
Kapolres Majalengka nyebutkeun ngalongok Kasat Intelkam teh wujud merhatikeunana jajaraan kapulisan ka anggota Polri nu keur meunang musibat sakaligus mere rojongan moral tur motivasi sangkan gancang sehat, oge bisa mancen tugas deui saperti sabihara bihari deui.
Baca Juga: Bulan Ramadhan Jajaran Polses Banjaran Ngabagikeun Tajil, Leuwih Ngaraketkeun Silaturahmi
Pikeun ngoptimalkan proses pamulihan kasehatan Kasat Intelkam, Kapolres Majalengka nginstruksikeun Urdokkes Polres Majalengka, pikeun tuluy koordinasi jeung pihak rumah sakit. Lian ti eta ngaroris kasehatanana nepi bener-bener sehat saperti bihara-bihari.
“Tangtosna dibantos samaksimal mungkin supados nu teu damang tiasa enggal sehat deui," ceuk Kapolres Majalengka.
Ceuk Kapolres Majalengka, ngalongok anggota Polri nu keur keuna musibat teh tarekah ngawangun solidiritas, katut jiwa korsa nu pengkuh pikeun sakumna anggotana sangkan tumuwuh rasa duduluranna, sarasa di sasama anggota Polri.*** Ayank R Sambara
