Network
GALURA.CO.ID- Pamarèntah Kabupaten Bandung ngayakeun 'open bidding' atawa seleksi terbuka keur ngeusi Jabatan Pimpinan Tinggi Pratama jang nempatan posisi Direktur Rumah Sakit Umum Daerah (RSUD) Majalaya, Kabupaten Bandung.
Direktur RSUD Majalaya ayeuna keur kosong satutas direktur RSUD Majalaya samemehna, dr Yuli Ernawati, nempatan posisi Kepala Dinas Kesehatan (Dinkes) Kabupaten Bandung.
Kepala Bidang Mutasi dan Promosi ASN Badan Kepegawaian dan Pengembangan Sumber Daya Manusia (BKPSDM) Kabupaten Bandung, A Irman Firmansyah H nètèlakeun ngayak keur pidirektureun RSUD Majalaya teh dibuka pikeun ASN di auban Pemkab Bandung, ASN di Pemerintah Kabupaten/Kota sa-Jawa Barat jeung ASN di auban Pemprov. Jabar nu nyumponan syarat.
Baca Juga: Pinunjul kahiji FTBI SD Tingkat Kabupaten Bandung, 14 Siswa, Tandang di FTBI Tingkat Jabar
"Nu minat tur nyumponan pasyaratan nu ditangtoskeun kanggo ngiring seleksi terbuka Jabatan Pimpinan Tinggi Pratama Direktur RSUD Majalaya, mangga diantos," ceuk Irman di Kantor BKPSDM Kabupaten Bandung, Rebo (18/10/2023).
Irman nerangkeun, daftarna sacara online kana situs seleksijpt.bandungkab.go.id, ti tanggal 17 tepi ka 31 Oktober 2023. Daftar 31 Oktober 2023 maksimal jam 12.00 WIB.
Iwal ti kudu PNS, sababaraha pasyaratan teknis sèjènna di antarana eukeur nyangking atawa kungsi dina jabatan Administrator atawa Jabatan Fungsional Ahli Madya paling copel 2 taun, tur sababaraha syarat lianna.*** Sopandi
