Network
GALURA – Ketak 25 taun Komunitas Celah Celah Langit lir runtuyan carita ieu komunitas geusan ngawujudkeun ‘rumah keluarga.’
Rupaning proses kagiatan kalawan pangrojong warga budeureunana minangka hal nu kalintang pentingna pikeun Komunitas Celah Celah Langit enggoning ngagumelarkeun karya kreatif.
Najan hiji beungkeutan dina komunitas seni, tapi dina pirang-pirang ketakna, Komunitas Celah Celah Langit lain sakadar tempat hiburan.
Baca Juga: Wisata Kuliner di Kota Bandung, Iga Bakar Si Jangkung jeung Sate Gulai Kambing HM Harris
Aubna masarakat tur mateakeunana teu weleh jadi udagan Komunitas Celah Celah Langit kalawan mokus kana atikan, etika, sarta estetika.
Eta udagan teh dilarapkeun dina sakumna proses kreatif nu dilakukeun ieu komunitas nu perenahna di Gg. Bapa Eni, Belakang Terminal Ledeng, Jalan Setiabudi, Kota Bandung.
Sesepuh Komunitas Celah Celah Langit, Iman Soleh, mertelakeun, resmina mah ieu komunitas teh ngadeg ping 22 Mei 1998.
Ngan ari cikal bakal aktivitas kasenian di ieu lingkungan teh geus mucunghul ti awal taun 1980-an.
Paraseniman kayaning pelukis/sastrawan Acep Zamzam Noor, perupa Tisna Sanjaya, Marintan Sirait, aktivis teater Didin Sirojudin, Kristiawan, Ayi Kurnia, Kodrat, Tony Broer, jeung Tatang Abdullah, minagka entragan awal nu remen makarya di ieu komunitas.
Lagu makarya teh maranehanana teu weleh ngaubkeun warga budeureun, turta ngajadikeun komunitas minangka rohang pikeun guyub sayunan jadi ‘rumah keluarga’ tug tepi ka ayeuna.
Baca Juga: Pesona Taman Puspa jeung Kampung Ciherang, Dua Tempat Wisata Instagramable di Tanjungsari, Sumedang
“Jeung deuih ti baheulana warga di sabudeureun Ledeng teh mibanda rupa-rupa potensi kasenian saperti calung, wayang golek, reog, sandiwara lonsger, sarta terebangan bingbrung,” ceuk Iman Soleh, Jumaah, 3 Februari 2023.
Proses kreatif teu weleh tumuwuh tur mekar, tug tepi ka kiwari Komunitas Celah Celah Langit jadi titik sentral aktivitas kasenian warga Ledeng.
Lian ti warga budeureun Ledeng, oge teu saeutik seniman ti sakuliah daerah jeung mancanagara nu magelaran katut rukun gawe jeung seniman-warga di ieu komunitas.
Baca Juga: 3 Tempat Wisata di Cianjur, Merenah Disungsi dina Poe Pere Minggu Ayeuna, Instagramable
Ku kituna, silisimbeuhan budaya terus ngamalir di Komunitas Celah Celah Langit.
Eta proses silimiwanoh sarta silingajenan ajen-inajen kahadean ti rupa-rupa kasang tukang sosial budaya teh nguniang jadi inspirasi.
“Ngaran Komunitas Celah Celah Langit teh pamahanan ti seniman Sawung Jabo,” pok Iman Soleh.
Baca Juga: Hasil Panalungtikan Antroponimi, Masarakat Kabupaten Sumedang Geus Arang nu Make Ngaran Etnik Sunda
Di sagedengeun ngalakukeun proses mateakeun potensi ku ngolah karya seni, ieu komunitas ge ngamekarkeun potensi di saluareun kagiatan seni, saperti numwuhkeun kasadaran budaya, kasadaran atikan, jeung kasadaran lingkungan.
Anapon ceuk antropolog Syakir, manehna mimiti milu aub di Komunitas Celah Celah Langit teh ti kawit taun 2015.
“Keur sakuringeun, Komunitas Celah Celah Langit minangka tempat pangajaran pikeun silingahurmat hirup tur kahirupan. Di ieu komuintas kuring diajar ngeunaan ma’na silisimbeuhan dibarung ku rasa kakaluwargaan,” pokna. ***
