Network
GALURA -Kabupaten Ciamis, Jawa Barat, ku Kemendes (Kementrian Desa Pembangunan Daerah Tertinggal dan Transmigrasi) dileler pangajen lantaran mampu jeung hasilna hade dina ngantranspormasi UPK PNPM MPd jadi Badan Usaha Milik Desa Bersama (BUMDesma).
Di Jawa Barat, salian ti Kabupaten Ciamis nu dianggap sukses dina transformasi UPK PNPM MPd jadi BUMDesma sarta dileler pangajen ku Kemendes teh Kabupaten Kuningan jeung Kabupaten Sumedang.
Pangajen transformasi UPK PNPM MPd jadi BUMDesma ti Kemendes keur Kabupaten Ciamis dipasrahkeun ku Menteri Desa Pembangunan Daerah Tertinggal dan Transmigrasi, Abdul Halim, Kemis (02/02/2023) di Jakarta.
Baca Juga: Koperasina Mines, Taun Ayeuna Anggota Koperasi Guru Panumbangan Ciamis teu Narima SHU
Ti Kabupaten Ciamis nu narima eta pangajen ti Kemendes teh Wakil Bupati Ciamis, Yana D Putra.
Kepala Dinas Pemberdayaan Masyarakat dan Desa (DPMD) Kabupaten Ciamis, Ape Ruswanda, mertelakeun pangajen ti Kemendes teh luar biasa pisan.
Ceuk Ape Ruswanda, dina taun 2023 Kabupaten Ciamis dileler deui sababaraha prestasi boh ti tingkat Provinsi Jawa Barat boh ti tingkat Nasional.
“Ieu tangtos wae janten motivasi kanggo pamarentah Kabupaten Ciamis dina ngaladenan masarakat supados langkung sae,” ceuk Ape Ruswanda.
UPK (Unit Pengelola Kegiatan) Program Nasional Pemberdayaan Masyarakat Mandiri Perdesaan (PNPM MPd_ dina Peraturan Pemerintah Nomor 11 Tahun 2021 Bab XVI Ketentuan lain-lain, Pasal 73 Ayat 1 wajib dijadikeun BUMDesma. ***
